Latest Telugu News | Breaking News Telugu | Telugu News Today | News in Telugu - The NSN News -

Nsnnews// ఏపీలోని జ‌న‌సేన త‌ర‌హా పార్టీ త‌మిళ‌నాడులోనూ ఆవిర్భ‌వించింది. ప్ర‌ముఖ త‌మిళ‌ హీరో విజ‌య్‌.. త‌మిళ‌గ వెట్రి క‌ళ‌గం(టీవీకే) పార్టీని కొన్నాళ్ల కింద‌ట ప్ర‌క‌టించిన విష‌యం తెలిసిందే. అయితే ఆయ‌న అప్ప‌ట్లో త‌న పార్టీ సిద్ధాంతాల‌ను ప్ర‌క‌టించ‌లేదు. దీనిపై క‌స‌ర‌త్తు చేస్తున్నామ‌ని చెప్పారు. కానీ, ఆదివారం సాయంత్రం విల్లుపురం జిల్లాలో నిర్వ‌హించిన టీవీకే పార్టీ తొలి మ‌హానాడులో ఆయ‌న త‌న పార్టీ సిద్ధాంతాలు స‌హా భ‌విష్య‌త్తును ఆవిష్క‌రించారు. ప్ర‌శ్నించేందుకే పార్టీ పెట్టిన‌ట్టు ఆయ‌న చెప్పారు. కేంద్రంలోని బీజేపీని, రాష్ట్రంలోని డీఎంకేని ఆయ‌న తూర్పార బ‌ట్టారు. నిరంకుశ పాల‌న‌కురెండు ప్ర‌భుత్వాలు కేరాఫ్‌గా నిలుస్తున్నాయ‌ని విమ‌ర్శ‌లు గుప్పించారు.

ఇక్క‌డ ప‌వ‌న్ మాదిరిగానే..

ఏపీలో తొలినాళ్ల‌లో జ‌నసేన అధినేత ప‌వ‌న్‌ను న‌టుడు.. సినిమాలు చేసుకునేవాడు.. అంటూ కొంద‌రు విప‌క్ష నాయ‌కులు విమ‌ర్శ‌లు గుప్పించిన విష‌యం తెలిసిందే. అలానే విజ‌య్‌నుకూడా.. రాజ‌కీయంగా ఆట‌ప‌ట్టించ‌డం గ‌మ‌నార్హం. ఈ విష‌యాన్ని విజ‌య్ త‌న ప్ర‌సంగంలో ప్ర‌ధానంగా ప్ర‌స్తావించారు. “న‌న్ను ఆర్టిస్ట్‌ అంటూ పలువురు విమర్శ‌లు చేస్తున్నారు. అయినా వెర‌వ‌ను. న‌టులు ప్ర‌జాసేవ‌కు ప‌నికి వ‌స్తార‌ని ఎన్నో ఉదంతాలు చాటి చెబుతున్నాయి. ఏపీలో నంద‌మూరి తార‌క రామారావు, త‌మిళ‌నాడులో ఎంజీఆర్‌లు రాణించ‌లేదా..? ప్ర‌జా నాయ‌కులుగా వెలుగొంద‌లేదా?” అని త‌న‌దైన శైలిలో ఆయ‌న ప్ర‌సంగించారు.

అనుభ‌వం లేద‌ని..

జ‌న‌సేన అధినేత 2014లో పార్టీని ప్ర‌క‌టించినప్పుడు.. అనుభ‌వం లేదంటూ.. కొంద‌రు వ్యాఖ్య‌లు చేసిన విష‌యం తెలిసిందే. ఇప్పుడు సేమ్ టు సేమ్‌.. విజ‌య్‌ను ఉద్దేశించి కూడా కొంద‌రు ఇవే వ్యాఖ్య‌లు చేస్తున్నారు. దీనికి కూడా విజ‌య్ గ‌ట్టిగానే కౌంట‌ర్ ఇచ్చారు. ‘‘నాకు రాజకీయ అనుభవం లేకపోవచ్చు. కానీ, నేను పాలిటిక్స్‌ విషయంలో భయపడడం లేదు’’ అని అన్నారు. సినిమాల‌తో పోల్చుకుంటే.. రాజ‌కీయాలు ఎలా ఉంటాయో త‌న‌కు తెలుసున‌ని వ్యాఖ్యానించారు.

ఇక్క‌డ అంద‌రూ రాజ‌కీయాల‌తో ఆడుకునే వారేన‌ని చెప్పారు. నేను సినిమాల్లోకి వచ్చినప్పుడు కూడా నన్ను అవమానించారు. అయినా, కఠోర శ్రమ, ధైర్యంతో ఈ స్థాయికి చేరుకున్నా అని విజ‌య్ వ్యాఖ్యానించారు. 2026 అసెంబ్లీ ఎన్నికల్లో పూర్తిస్థాయి మెజార్టీతో విజ‌యం సాధించి, అధికారంలోకి రావ‌డ‌మే ల‌క్ష్య‌మ‌ని విజ‌య్ ప్ర‌క‌టించారు.

ఇవీ.. సిద్ధాంతాలు..

.ద్రవిడ, తమిళ జాతీయవాద సిద్ధాంతాల ప‌రిర‌క్ష‌ణ‌

.లౌకిక, సామాజిక న్యాయ సిద్ధాంతాలను అనుస‌రించ‌డం.

.పెరియార్‌ రామస్వామి, కామరాజ్ నాడార్‌, అంబేడ్కర్ ఆశయాల సాధ‌న‌

.బీజేపీ, డీఎంకేల నిరంకుశ వైఖ‌రిపై పోరాటాలు

.రాజకీయాల్లో మహిళలకు కీలక పాత్ర

Latest news, Telugu news, Tamilnadu news, Vijay Thalapathy..

Nsnnews// “ఇది వైసీపీ ప్ర‌భుత్వం కాదు. ఎవ‌రికి న‌చ్చిన‌ట్టు వారు చేయ‌డానికి. ఎవ‌రికి ఇష్టం వ‌చ్చిన‌ట్టు వారు వ్య‌వహరించ‌డానికి నిధులు దారి మ‌ళ్లించ‌డానికి. ఇది కూట‌మి ప్ర‌భుత్వం అన్న విష‌యం గుర్తు పెట్టుకోండి. ప్ర‌తి పైసాకు.. లెక్క ఉంటుంది. ప్ర‌తి రూపాయికీ జ‌వాబుదారీ త‌నం ఉంటుంది” అని ఏపీ డిప్యూటీ సీఎం ప‌వ‌న్ క‌ళ్యాణ్ తేల్చి చెప్పారు. తాజాగా ఆయ‌న పంచాయ‌తీరాజ్ శాఖ అధికారుల‌తో వీసీ నిర్వ‌హించారు. ఈ సంద‌ర్భంగా పంచాయ‌తీల‌కు కేంద్రం నుంచి వ‌చ్చిన నిధుల‌పై ఆరా తీశారు.

ఆయా నిధుల‌ను ఎలా ఖ‌ర్చు చేస్తున్నారో.. పూర్తి వివ‌రాలు ప్ర‌జ‌ల‌కు అందుబాటులో ఉండాల‌ని ప‌వ‌న్ సూచించారు. “అందుబాటులో అంటే.. అర్ధం కాని వివ‌రాలు, ఇంగ్లీష్‌లో ఉండ‌డం కాదు. ప‌దో త‌ర‌గ‌తి చ‌దువుకున్న వారికి కూడా.. మ‌నం ఏం చేస్తున్నామో.. చ‌ద‌వ‌గానే అర్ధం కావాలి. ప్ర‌తి రూపాయికీ లెక్క చూపించాలి. ప్ర‌తి గ్రామంలోనూ చేప‌ట్టిన ప‌నులు.. ఎవ‌రు చేస్తున్నారు. ఏయే ప‌నుల‌కు ఎంతెంత ఖ‌ర్చు చేస్తున్నాం అనే వివ‌రాలు స్ప‌ష్టంగా ఉండాలి” అని ప‌వ‌న్ ఆదేశించారు.

గ‌తంలో వైసీపీ హ‌యాంలో కేంద్రం నుంచి పంచాయ‌తీల‌కు వ‌చ్చిన నిధుల‌ను దారి మ‌ళ్లించార‌న్న ప‌వ‌న్ క‌ళ్యాణ్‌.. ఇప్పుడు కూట‌మి స‌ర్కారుపై గ్రామీణులు చాలానే ఆశలు పెట్టుకున్నార‌ని తెలిపారు. వారి ఆశ‌లు వ‌మ్ముకావ‌డానికి వీల్లేద‌ని.. ప్ర‌తి రూపాయినీ వారికి చెప్పాల‌ని అన్నారు. కేంద్రం నుంచి వ‌స్తున్న ప్ర‌తిరూపాయీ గ్రామీణ ప్రాంతాల అభివృద్ధికి బ‌ద‌లాయించాల‌న్నారు. అదేవిధంగా అధికారులు జ‌వాబు దారీ త‌నంతో వ్య‌వ‌హ‌రించాల‌ని సూచించారు.

ఇక‌, ప‌ల్లె -పండుగ‌, పంచాయ‌తీ వారోత్స‌వాల్లో అనుమ‌తించిన ర‌హ‌దారుల నిర్మాణం, మంచినీటి పైపు లైన్ల నిర్మాణాల‌కు సంబంధించిన ప‌నులను వేగంగా పూర్తి చేయాల‌ని చెప్పారు. ఈ ప‌నులు అత్యంత నాణ్యంగా ఉండాల‌ని.. సొంత ఇంటికి ఎలా అయితే.. శ్ర‌ద్ధ‌తో ప‌నులు చేయించుకుంటారో.. అలానే ఈ ప‌నులు కూడా ఉండాల‌ని అధికారుల‌కు హిత‌వు ప‌లికారు. ముఖ్యంగా ఇది వైసీపీ ప్ర‌భుత్వం కాద‌న్న విష‌యాన్ని గుర్తుంచుకోవాల‌ని ప‌దే పదే చెప్ప‌డం గ‌మ‌నార్హం.

Latestnews, Telugunews, AP news, Deputy CM Pawan Kalyan..