Nsnnews// కాశ్మీర్ : పీఓకేలోని రావాలకోట్ జైలు నుంచి 20 మంది ఖైదీలు తప్పించుకున్న ఘటన వెలుగులోకి వచ్చింది. పోలీసుల కాల్పుల్లో ఖైదీల్లో ఒకరు చనిపోయారు. ఖైదీల వద్ద రివాల్వర్ ఉందని ప్రాంతీయ అంతర్గత వ్యవహారాల మంత్రిత్వ శాఖ అధికారి బదర్ మునీర్ చెప్పారు. దీన్ని ఉపయోగించుకుని సెంట్రీని బందీగా తీసుకుని పరారయ్యారు. ఆయుధాన్ని జైలు అధికారుల నుంచి స్వాధీనం చేసుకున్నారా లేక బయటి నుంచి తీసుకొచ్చారా అనేది ఇంకా స్పష్టంగా తెలియరాలేదని మునీర్ చెప్పారు. పాక్ అధీనంలోని కాశ్మీర్ రాజధాని ముజఫరాబాద్‌కు 110 కిలోమీటర్ల దూరంలోని రావాలకోట్ పట్టణంలోని పూంచ్ జిల్లా జైలులో ఈ ఘటన చోటుచేసుకుందని మునీర్ తెలిపారు. రావలకోట్ ప్రవేశ, నిష్క్రమణ ద్వారాలను పోలీసులు అడ్డుకున్నారని స్థానిక సీనియర్ పోలీసు అధికారి రియాజ్ మొఘల్ తెలిపారు.

Latestnews, Telugunews, Kashmir, Jail, Prisoners Escaped…